نامت حدي طيور الشوك
وعحدي نامت لطيور
تغني مربع عمقسوم
وتحكيلي بالغنية
عن يافا وستي فيها
والإيام تداريها
محروسة بعين المحروم
وستي بيافا صبية
طلعت يوم تلقط تين
تلقط يوم بشهر سنين
وشافت عوجهه المرسوم
أخبار بدون الخبرية
وصارت تتطلع فينا
والمينا من خلف المينا
وذابت من ليلي لنجوم
ولسا كانت ضهرية
قلتلها أعطيني السلة
وإسبقيني عالتلة
قالت لي في سبع حلوم
السلة بتخر المية
ولما وصلنا عالجبل
لقيتنا سراب الحجل
وبيّن اليوم المشؤوم
شوية قبل العصرية
وتخبينا في عرق السور
شوية نطل شوية نغور
وإنحرقت باقي لكروم
وراحت بشربة مية
No comments:
Post a Comment